بھارتی باکسر کو شکست دینے والے پاکستانی باکسر شہیر آفریدی کا تھائی لینڈ سےکراچی پہنچنے پر شاندار استقبال کیا گیا۔
کراچی ایئرپورٹ پر صوبائی وزیر سعید غنی، ڈی آئی جی آر آر ایف غلام اظفر مہیسر، ایس یس پی علی رضا نے ان کا استقبال کیا۔
ساتھی پولیس ملازمین نے شہیر آفریدی پر پھولوں کی پتیاں نچھاور کیں اورانہیں پھولوں کے ہار پہنائے گئے۔اس موقع پر فلک شگاف نعروں سے ایئرپورٹ گونج اٹھا۔
میڈیا سے گفتگو میں شہیر آفریدی نے کہا کہ کامیابی پر سر فخر سے بلند ہے، کشیدگی کے وقت عوام کو بھارتی باکسر کو ہرا کر تحفہ دیا ہے۔
ان کا یہ بھی کہنا ہے کہ میں نے کرتار پور دربار صاحب کی مٹی تحفے میں دی تو سکھ کھلاڑی نے مٹھائی پیش کی۔
اس موقع پر سندھ کے وزیر سعید غنی نے کہا کہ شہیر آفریدی کی کامیابی پر بہت خوشی ہوئی ہے، ان کی کامیابی سندھ پولیس کی نہیں پورے پاکستان کی کامیابی ہے۔
یہ بھی پڑھیں:وفاقی کابینہ کا کل ہونے والا اجلاس مؤخر
سعید غنی نے یہ بھی کہا کہ شہیر آفریدی کا شمار بین الاقوامی بڑے باکسرز میں ہونے لگا ہے۔
