سابق وفاقی وزیر فواد چوہدری نے کہا ہے کہ پاکستان تحریک انصاف (پی ٹی آئی) کی موجودہ قیادت کرائے پر لائی گئی ہے۔
وی نیوز کے مطابق اپنے بیان میں فواد چوہدری کہنا تھا کہ پاکستان نے گزشتہ کچھ عرصے میں نمایاں کامیابیاں حاصل کی ہیں، خاص طور پر عالمی اور علاقائی طاقتوں کے ساتھ مضبوط تعلقات قائم کرنا ایک بڑا سنگ میل ہے۔
یہ بھی پڑھیں : پی ایس ایل 11 میں 2 نئی ٹیموں کی شمولیت، سی ای اونے تصدیق کردی
انہوں نے کہا کہ پاکستان کی 76 سالہ تاریخ میں یہ ایک خواب تھا کہ امریکا سمیت دنیا کی بڑی طاقتیں ہمارے ساتھ کھڑی ہوں، آج سعودی عرب اور ایران دونوں پاکستان کے قریب ہیں، امریکا بھی ساتھ ہے اور چین بھی۔
سابق وفاقی وزیرنے کہا کہ پاکستان نے ڈپلومیٹک محاذ پر نمایاں کامیابی حاصل کی، امریکا نے پاکستان کی حمایت اور تعریف کی جبکہ سعودی عرب نے بھی پاکستان کی خدمات کو سراہا۔
ان کا کہنا تھا کہ موجودہ حکومت کی یہ سفارتی کامیابیاں پی ٹی آئی کے لیے نقصان دہ ہیں کیونکہ حکومت کو عالمی حمایت ملنے سے پارٹی کو سیاسی نقصان پہنچتا ہے۔
یہ بھی پڑھیں :ہندوستان کی آبی دہشت گردی، افغانستان کے ساتھ مل کر خیبرپختونخوا کا پانی روکنے کا گھناؤنا پلان
فواد چوہدری نے ملک میں استحکام کی ضرورت پر زور دیتے ہوئے کہا کہ خیبر پختونخوا کے وزیراعلیٰ سہیل آفریدی نے گزشتہ روز ذمہ دارانہ بیان دیا ہے۔
انہوں نے کہا کہ تحریک لبیک پاکستان (ٹی ایل پی) پر پابندی 2021 میں پی ٹی آئی حکومت کے دور میں لگائی گئی تھی۔
سابق وفاقی وزیر نے کہا کہ پی ٹی آئی کے خلاف جھوٹے مقدمات قائم کیے گئے اور ان کے خلاف جاری کریک ڈاؤن سیاسی انتقام کی مثال ہے۔
یہ بھی پڑھیں : وزیراعلی سہیل آفریدی کا چارسدہ سے بانی پی ٹی آئی کی رہائی کےلیے تحریک کے آغاز کا اعلان
