محکمۂ موسمیات نے ملک کے مختلف علاقوں میں موسم کی تازہ صورتحال اور ممکنہ بارشوں سے متعلق پیشگوئی جاری کر دی ہے۔
محکمہ کے مطابق اسلام آباد سمیت پنجاب کے بیشتر شہروں میں موسم خشک رہے گا، تاہم چترال، دیر، سوات اور کوہستان میں مطلع جزوی ابر آلود رہنے اور کہیں کہیں ہلکی بارش کا امکان ہے۔
ادارے نے خبردار کیا ہے کہ لاہور، گوجرانوالہ، قصور، شیخوپورہ، اوکاڑہ، فیصل آباد اور سیالکوٹ میں اسموگ چھائے رہنے کا امکان ہے۔ اسی طرح خانیوال، رحیم یار خان، بہاولپور اور ملتان کے علاقوں میں بھی فضائی آلودگی میں اضافے کا خدشہ ظاہر کیا گیا ہے۔
محکمۂ موسمیات کے مطابق سندھ کے بیشتر اضلاع میں موسم گرم اور خشک، جبکہ بلوچستان میں موسم سرد رہنے کا امکان ہے
درجہ حرارت کے اعداد و شمار کے مطابق:
لہہ میں منفی 3 ڈگری
اسکردو میں 1 ڈگری،
اسلام آباد میں 11 ڈگری،
لاہور میں 17 ڈگری،
کراچی میں 23 ڈگری،
پشاور میں 14 ڈگری اور
کوئٹہ میں 9 ڈگری سینٹی گریڈ ریکارڈ کیا گیا۔
محکمۂ ماحولیاتی تحفظ کے مطابق اسلام آباد کی فضائی کوالٹی مضرصحت قرار دی گئی ہے۔ ایئر کوالٹی انڈیکس 151 تک پہنچ گیا جو اس سیزن کی بلند ترین سطح ہے۔ شہریوں کو فضائی آلودگی سے بچاؤ کے لیے ماسک پہننے اور غیر ضروری طور پر گھر سے باہر نکلنے سے گریز کی ہدایت کی گئی ہے۔
