نیشنل ڈیزاسٹر مینجمنٹ اتھارٹی (این ڈی ایم اے) نے 6 سے 10 جولائی تک ملک بھر میں بارش، آندھی، طوفان اور متعدد مقامات پر سیلاب کا الرٹ جاری کردیا، بارشوں کے باعث شہری علاقوں میں ممکنہ طور پر سیلابی صورتحال اور پہاڑی علاقوں میں لینڈ سلائیڈنگ کے خدشات ہیں۔
نجی ٹی وی آج نیوزکے مطابق ترجمان این ڈی ایم اے نے بتا یا ہے کہ خیبرپختونخوا میں دیر، سوات، چترال، کوہستان، شانگلہ، بونیر، بٹگرام، صوابی، نوشہرہ، چارسدہ، ملاکنڈ، مانسہرہ، ایبٹ آباد، پشاور، مردان، ہری پور، بنوں، کوہاٹ میں گرج چمک کے ساتھ بارش کا امکان ہے۔
ترجمان این ڈی ایم اے کے مطابق اسلام آباد سمیت شمالی اور جنوبی پنجاب کے اضلاع راولپنڈی، اٹک، جہلم، چکوال، میانوالی، سرگودھا، خوشاب، گوجرانوالہ، گجرات اور فیصل آباد میں آندھی اور طوفان کے ساتھ بارش متوقع ہے۔
ترجمان کے مطابق لاہور، قصور اور اوکاڑہ میں بھی آندھی اور طوفان کے ساتھ بارش کا امکان ہے جبکہ ملتان، خانیوال، بہاولپور، بہاولنگر، رحیم یارخان اور ڈیرہ غازی خان میں تیزہواؤں کے ساتھ بارش کا امکان ظاہر کیا گیا ہے۔
این ڈی ایم کا کہنا ہے کہ گلگت، اسکردو، ہنزہ، استور، دیامر،گانچھے اور شگر میں شدید بارش کا امکان اور سیلابی صورتحال کا خدشہ ہے۔
این ڈی ایم اے کی جانب سے مظفرآباد، وادی نیلم اور راولا کوٹ میں بھی شدید بارش کا امکان ظاہر کیا گیا ہے جبکہ حویلی اور باغ میں شدید بارش کا امکان ہے جبکہ ممکنہ سیلابی صورتحال کا خدشہ بھی ظاہر کیا گیا ہے۔
این ڈی ایم اے کے مطابق سندھ کے شہروں سکھر، نوابشاہ، کشمور، حیدرآباد، کراچی، تھرپارکر، میرپورخاص، عمرکوٹ، سانگھڑ، جامشورو، ٹنڈواللہ یار، ٹھٹہ، بدین اور مٹھی میں بارش کا امکان ہے جبکہ گھوٹکی، خیرپور، شکارپور، لاڑکانہ، جیکب آباد اور دادو میں بھی شدید بارشیں متوقع ہیں۔
این ڈی ایم اے نے بلوچستان کے شہروں کوئٹہ، ژوب، زیارت، قلات، خضدار، آواران، بارکھان، جعفرآباد، کوہلو، سبی، ڈیرہ بگٹی، لورالائی، لسبیلہ اور نصیرآباد میں بھی بارش کا امکان ظاہر کیا ہے۔
این ڈی ایم اے کے مطابق بارشوں کے باعث شہری علاقوں میں ممکنہ طور پر سیلابی صورتحال کا خطرہ ہے جبکہ شدید بارشوں سے اربن فلڈنگ اور لینڈ سلائیڈنگ، بجلی کی بندش اور سڑکوں پر ٹریفک کی روانی متاثر ہونے کا امکان ہے۔
یہ بھی پڑھیں : 9 اور 10 محرم الحرام کےموقع پر عام تعطیلات کا اعلان
این ڈی ایم اے نے تمام متعلقہ اداروں کو ممکنہ ہنگامی صورتحال سے نمٹنے کے لیے پیشگی اقدامات کی ہدایت کردی۔
