کیپٹن کرنل شیر خان شہید کی 26ویں برسی کے موقع پر فیلڈ مارشل ، چیئرمین جوائنٹ چیفس آف اسٹاف کمیٹی ، ائیر چیف ، نیول چیف اور افواج پاکستان کی جانب سے شہید کو خراج عقیدت پیش کیاگیا ۔
اس کے علاوہ میجر جنرل انجم ریاض نے شہید کے مزار پر حاضری دی اور قبر پرپھول بھی رکھے ۔اس موقع پر آئی ایس پی آر نے کہا کہ کرنل شیر خان شہید نے دشمن کے سامنے سیسہ پلائی دیوار بن کر وطن کے دفاع کیلئے اپنی جان قربان کی ، وہ افواج پاکستان ، پوری قومی کیلئے ہمیشہ ایک عظیم مثال اور تحریک کا ذریعہ رہیں گے ۔
آئی ایس پی آر نے مزید کہا کہ کیپٹن کرنل شیر خان کی قربانی آج بھی پاکستانیوں کے دل میں زندہ ہے اور آنیوالی نسلوں کیلئے مشعل راہ ہے ، ہم اپنے اس عظیم ہیرو کو سلام پیش کرتے ہیں اور مادر وطن کے دفاع کے عزم کی تجدید کرتے ہیں۔
