غیر قانونی طورپر رہائش پذیر افغان کو پشاور میں عارضی کیمپ میں منتقل کیاجانا تھا ، پشاور ٹرانزٹ کیمپ سے لنڈی کوتل عارضی کیمپ منتقل کیے جانے کا منصوبہ تھا لیکن کیمپ تیسرے روز بھی فعال نہ ہوسکا ۔
تفصیلات کے مطابق خیبر پختونخوا حکومت نے غیر ملکیوں کی بے دخلی کیلئے وفاق سے 10اپریل تک مہلت مانگ لی ہے ، غیر ملکیوں کے انخلاف کیلئے خیبر پختونخوا کو فنڈز کی کمی کا سامنا ہے ، ملک میں آٹھ لاکھ افغان سیٹیزن شپ کارڈ ہولڈر رہائش پذیر ہیں ۔
بلوچستان میں 3لاکھ 17ہزار ، پنجاب میں ایک لاکھ 96ہزار اور سندھ میں 74ہزار 117افغان مہاجرین رجسٹرڈ ہیں ، اسلام آباد میں 42ہزار 718اور آزاد کشمیر میں 4ہزار 448افغان مہاجرین قیام پذیر ہیں ۔
پاکستان چھوڑنیوالے غیر قانونی افغان باشندوں کی کل تعداد 8لاکھ 85ہزار 902 تک پہنچ چکی ہے ۔ خیبر پختونخوا میں رجسٹر ڈ افغان مہاجرین کی کل تعداد 7لاکھ 9ہزار سے 278ہے ۔
کیمپوں میں 3لاکھ 44ہزار 9سو آٹھ افغان رہائش پذیر ہیں ، سال 2013سے اب تک 4لاکھ 65 ہزار افغان مہاجرین طورخم کے راستے واپس جاچکے ہیں ۔
