گاڑی ڈرائیور کے قابو سے باہر ہو کر گہری کھائی میں جاگری ،حادثے کے نتیجے میں چار افراد موقع پر ہی جاں بحق ہوگئے جبکہ ایک شخص شدید زخمی ہوا ۔
تفصیلات کے مطابق شانگلا میں افسوسناک ٹریفک حادثہ ، چار افراد جاں بحق ،ایک زخمی ہوا ،جاں بحق افرا د کا تعلق صوبہ پنجاب کے شہر ملتان سے ہے۔شانگلا کی تحصیل آلپوری کے علاقے مٹہ اعوان میں افسوسناک ٹریفک حادثہ پیش آیا ۔
ریسکیو کے مطابق حادثے کے فوراً بعد امدادی ٹیمیں موقع پر پہنچ گئیں ، زخمی کو ابتدائی طبی امداد دینے کے بعد ڈسٹرکٹ ہیڈ کوارٹر ہسپتال آلپوری منتقل کردیاگیا ۔
ریسکیو حکام کے مطابق جاں بحق افراد کا تعلق صوبہ پنجاب کے شہر ملتان سے ہے ، حادثے کی وجوہات جاننے کیلئے مزید تفتیش جاری ہے ۔
