مشیر اطلاعات خیبر پختونخوا بیرسٹر سیف نے کہا ہے کہ پی ٹی آئی سے کہیں زیادہ اختلافات تو شریف خاندان کے اندر ہر وقت پائے جاتے ہیں ۔
تفصیلات کے مطابق مشیر اطلاعات خیبر پختونخوا بیرسٹر سیف نے کہا ہے کہ مخالفین پی ٹی آئی میں اختلافات کی خبریں بڑھا چڑھا کر پیش کرکے خوش فہمی میں مبتلا نہ ہو ، پی ٹی آئی میں جتنے اختلافات ہیں اس سے کہیں زیادہ تو صرف شریف خاندان کے اندر ہر وقت پائے جاتے ہیں ۔
انہوں نے کہاکہ پی پی کو بھی بھٹو کے اصل وارث کی فکر کرنی چاہیے ، بلاوجہ بھٹو کی جگہ ذوالفقار علی بھٹو جونیئر کی شکل میں اصلی بھٹو سامنے آیا ہے ، بھٹو کی اصل وارث سامنے آنے کے بعد پی پی حواس باختہ ہوچکی ہے ۔
انہوں نے کہاکہ پی ٹی آئی میں معمولی اختلافات کو بڑھا کر پیش کرنا محض سیاسی پوائنٹ اسکورنگ ہے ، پی ٹی آئی میں جتنے اختلافات ہیں اس سے کہیں زیادہ تو شریف خاندان کے اندر ہر وقت پائے جاتے ہیں ،بانی چیئرمین عمران خان کی رہائی کیلئے پاکستان تحریک انصاف مکمل طورپر متحد ہے ۔
کارکنان سے لیکر مرکزی وصوبائی قیادت تک سب بانی چیئرمین کی رہائی کیلئے یک زبان ہیں عمران خان پر قائم تمام جعلی مقدمات جلد اپنے انجام کو پہنچی گے ، وہ دن دور نہیں جب بانی چیئرمین ایک بار پھر عوام کے درمیان ہونگے۔
