یکم اپریل سے اب تک 11 ہزار 371 غیر قانونی مقیم غیرملکی افغانوں کو بے دخل کیا جاچکا۔
تفصیلات کے مطابق غیر ملکیوں کی بے دخلی جاری ہے ، طورخم سرحد کے راستے مزید 3ہزار 669 غیر قانونی مقیم غیر ملکیوں کو بے دخل کیاگیا ، یکم اپریل سے اب تک اپریل تک مجموعی طورپر 11371افغان باشندوں کو ملک بدر کیاگیا ۔
امیگریشن ذرائع کے مطابق آج 2ہزار 242غیر قانونی مقیم غیر ملکی رضا کارانہ طورپر لنڈی کوتل ٹرانزٹ کیمپ آئے ، جہاں قانونی کارروائی پوری ہونے کے بعد انہیں طورخم سرحد کے راستے بے دخل کیا گیا ۔
ذرائع کے مطابق یکم اپریل سے لیکر اب تک گیارہ ہزار 371غیر قانونی غیر ملکیوں کو بے دخل کیا جاچکا ہے ، سترہ ستمبر 2023سے لیکر مارچ 2025تک 4لاکھ 69ہزار 159افراد پر مشتمل 70494افغان خاندان طورخم سرحد کے راستے وطن واپس لوٹ چکے ہیں ۔
