رکن قومی اسمبلی شیر افضل مروت کا کہنا ہے کہ چند لوگوں نے بانی پی ٹی آئی کو حصار میں لیا ہوا ہے جو لوگ پہلے میرے اور گنڈاپور کیخلاف ہوئے وہی اب بیرسٹر گوہر کیخلاف بول رہے ہیں ۔
تفصیلات کے مطابق پی ٹی آئی رہنما سلمان اکرم راجہ نے بیرسٹر گوہر کو ساتھ بٹھا کر ان کی تضحیک کی ، کبھی ایسا فیصلہ نہیں ہوا کہ بہنیں جائیں گی تو ملاقات کا بائیکاٹ ہوگا ، پہلے بہنیں نہیں گئیں تو سلمان اکرم راجہ خود بھی ملاقات کیلئے چلے گئے تھے ۔
انہوں نے کہاکہ بانی پی ٹی آئی نے ہمیشہ اسٹیبلشمنٹ سے مذاکرات کی حوصلہ افزائی کی ہے ، پارٹی میں غلط تصویر پیش کی جاتی ہے کہ عمران خان اسٹیبلشمنٹ سے مذاکرات کے حامی نہیںہیں ۔
انہوں نے مزید کہاکہ بانی پی ٹی آئی عمران خان کو اپنے سوشل میڈیا سے اب فیصلہ کن طورپر دو دو ہاتھ کرنا ہوں گے ۔
