بانی پی ٹی آئی عمران خان سے ملاقات کیلئے پارٹی رہنمائوں اور خاندان کے افراد کی فہرستیں اڈیالہ جیل حکام کو بھیج دی گئیں ۔
تفصیلات کے مطابق عمران خان سے ملنے والوں میں 6پارٹی رہنمائوں کے علاوہ 4خاندان کے افراد کے نام بھی شامل ہیں ،بیرسٹر سلمان اکرم راجہ نے پارٹی رہنمائوں اور فیملی کی فہرستیں اڈیالہ جیل حکام کو بھیجی ہیں ۔
ذرائع کے مطابق اڈیالہ جیل میں عمران خان سے ملنے والے پارٹی رہنمائوں میں عمر ایوب ، شبلی فراز ، نیاز اللہ نیازی ، چیئرمین سنی اتحاد کونسل صاحبزادہ حامد رضا ، مجلس وحدت مسلمین کے قائد علامہ راجہ ناصر عباس شامل ہیں ۔
واضح رہے بانی پی ٹی آئی کی بہنوں علیمہ خان ،نورین عظمی خانم اور کزن قاسم خان کے نام بھی شامل ہیں ۔
ترجمان تحریک انصاف نے بتایا کہ منگل کو بانی پی ٹی آئی عمران خان کی فیملی سے ملاقات نہیں کرائی گئی تھی ۔
