دینی مدارس کے طلبہ بھی ملک کا قیمتی سرمایہ ہیں، بیرسٹر سیف

مشیر اطلاعات خیبر پختونخوا بیرسٹر سیف نے کہا ہے کہ صوبائی حکومت نے دینی مدارس کیلئے گرانٹ 30ملین سے بڑھا کر 100ملین کردی ۔

تفصیلات کے مطابق مشیر اطلاعات خیبر پختونخوا بیرسٹر سیف نے کہا ہے کہ صوبائی حکومت نے دینی مدارس کیلئے گرانٹ 30ملین سے بڑھا کر 100ملین کردی ، گرانٹ کی منظوری وزیراعلیٰ خیبر پختونخوا کی زیر صدارت اعلیٰ سطحی اجلاس میں دی گئی ، دینی مدارس کے طلبہ بھی ملک کا قیمتی سرمایہ ہیں ۔

انہوں نے کہاکہ وزیراعلیٰ خیبر پختونخوا کی زیر صدارت اعلیٰ سطحی اجلاس میں صوبے کے دینی مدارس کیلئے گرانٹ 30مین سے بڑھا کر 100ملین کردی ہے ، دینی مدارس کے طلبہ بھی ملک کا قیمتی سرمایہ ہیں ۔

انہوں نے کہاکہ دینی وعصری تعلیم کا امتزاج وقت کی اہم ضرورت ہے ، طلبہ کو مذہبی تعلیم کیساتھ ساتھ جدید تقاضوں سے ہم آہنگ کیاجارہاہے ۔

انہوں نے مزید کہاکہ بانی چیئرمین عمران خان کے ویژن اور وزیراعلیٰ علی امین گنڈاپور کی قیادت میں صوبے میں دینی وعصر ی تعلیم کو فروغ دیاجارہاہے ، خیبر پختونخوا حکومت اسکولوں کیساتھ ساتھ مدارس کو بھی خصوصی توجہ دے رہی ہے ۔