آئل اینڈ گیس ریگولیٹری اتھارٹی (اوگرا) نے مائع پیٹرولیم گیس (ایل پی جی) کی قیمت میں کمی کرتے ہوئے گھریلو صارفین کے لیے اچھی خبر دے دی ہے۔
اوگرا کی جانب سے جاری کردہ نوٹیفکیشن کے مطابق ایل پی جی کے 11.8 کلوگرام وزنی گھریلو سلنڈر کی قیمت میں 37 روپے 80 پیسے کمی کی گئی ہے۔ نئی قیمت 2892 روپے 91 پیسے مقرر کی گئی ہے۔
نوٹیفکیشن میں بتایا گیا ہے کہ فی کلو ایل پی جی کی قیمت میں 3 روپے 20 پیسے کمی کی گئی ہے جس کے بعد نئی فی کلو قیمت 245 روپے 16 پیسے مقرر کی گئی ہے۔
اوگرا کے اس اقدام سے گھریلو صارفین کو ریلیف ملنے کی توقع ہے، خاص طور پر ایسے وقت میں جب ایندھن کی قیمتیں مسلسل عوامی توجہ کا مرکز بنی ہوئی ہیں۔
