بنوں سی ٹی ڈی پولیس اور دہشتگردوں کے مابین فائرنگ کے تبادلے میں دہشتگرد کمانڈر گل باز ولد عزیز گل سکنہ مٹکی بیزن خیل ہلاک ہوگئے۔
پولیس کے مطابق گزشتہ رات تھانہ ڈومیل کی حدود سپینہ تنگی چشمی کے قریب دھشتگردوں اور سی ٹی ڈی پولیس کا آمنا سامنا ہوا جس میں سی ٹی ڈی پولیس کے 03 جوان شہید اور 02 جوان زخمی ہوئے۔
پولیس کی فائرنگ سے دہشتگردوں کی ہلاکت اور زخمی ہونے کی اطلاع موصول ہوئی تھیں مگر رات کی تاریکی میں دھشتگرد لاشوں کو اپنے ساتھ لے گئے تھے ۔
آج تصدیق ہوئی ہے کہ گذشتہ رات پولیس کی فائرنگ سے دہشتگرد کمانڈر گل باز ولد عزیز گل سکنہ مٹکی بیزن خیل ہلاک ہوچکا ہے۔
یہ بھی پڑھیں:لوئرکوہستان میں کارکھائی میں جاگری، خواتین اور بچوں سمیت 8افراد جاں بحق
دہشتگرد کمانڈر سی ٹی ڈی پولیس اور بنوں پولیس کو تھانہ جات ، چوکیات پر حملہ کرنے ، پولیس ٹارگٹ کلنگ ، بھتہ خوری اور دیگر دہشتگردانہ کاروائیوں میں مطلوب تھا۔
