باچا خان یونیورسٹی چارسدہ نےیومیہ اجرت (کنٹیجنٹ پیڈ) پر کام کرنے والے139 ملازمین کو فوری طور پر ملازمت سے فارغ کر دیا ہے۔
جاری نیوٹیفکیشن کے مطابق یہ فیصلہ یونیورسٹی کی آٹھویں سینٹ کے اجلاس میں کیا گیاجو 24 جولائی 2024 کو صوبائی وزیر برائے اعلیٰ تعلیم خیبرپختونخوا کی زیرِ صدارت منعقد ہواتھا۔
اجلاس میں (Human Resource Rationalization Committee) کمیٹی کی سفارشات پیش کی گئیں تھی جن کی منظوری کے بعد یہ اقدام اٹھایا گیا۔
یونیورسٹی کی جانب سےآج3جولائی کوکمیٹی کی سفارشات پر عمل درآمد کا نوٹیفکیش جاری کیاگیاہے۔
نوٹیفکیشن کے مطابق مذکورہ ملازمین کو فوری طور پر خدمات سے سبکدوش کر دیا گیا ہے۔
یہ بھی پڑھیں :6 سے 10 جولائی تک بارشوں اور متعدد مقامات پر سیلاب کا الرٹ جاری
یونیورسٹی کی جانب سے جاری کردہ نوٹیفکیشن کے مطابق فارغ کیے گئے تمام ملازمین کو ہدایت کی گئی ہے کہ وہ فوری طور پر اپنے متعلقہ شعبہ جات/سیکشنز سے کلیئرنس کا عمل مکمل کریں۔
