قومی کیوئسٹ محمد آصف نے آئی بی ایس ایف ورلڈ ماسٹرز اسنوکر چیمپئن شپ میں ایک اور شاندار کامیابی حاصل کرتے ہوئے کوارٹر فائنل میں رسائی حاصل کرلی ہے۔
انہوں نے متحدہ عرب امارات کے محمد شہاب کو 2-4 فریمز سے شکست دی۔ محمد آصف کا کھیل پُرسکون، تجربہ کارانہ اور تکنیکی اعتبار سے نہایت مضبوط رہا، جس پر شائقین اور تجزیہ کاروں نے بھرپور تحسین کا اظہار کیا۔
دوسری جانب انڈر 17 کیٹیگری میں پاکستان کے نوجوان کھلاڑی حسنین اختر نے بھی متاثرکن کارکردگی کا مظاہرہ کرتے ہوئے اومان کے متاصم السعدی کو سیدھے فریمز میں 0-3 سے شکست دے دی۔ حسنین کی جارحانہ اور پراعتماد پرفارمنس نے کوچز اور مداحوں سے خوب داد سمیٹی۔
دونوں کھلاڑیوں کی فتوحات نے نہ صرف پاکستان کے لیے اعزازات کی امیدیں روشن کر دی ہیں بلکہ ملک بھر کے سنوکر شائقین کو بھی جوش و خروش میں مبتلا کر دیا ہے۔
کوچز کا کہنا ہے کہ دونوں کھلاڑی آئندہ مرحلے کے میچز کے لیے بھرپور تیاری میں مصروف ہیں اور قوم کو ان سے بڑی کامیابیوں کی امید ہے۔
