کراچی: اسٹیٹ بینک آف پاکستان نے ہفتہ وار زرمبادلہ ذخائر کے اعداد و شمار جاری کر دیے ہیں۔
جن کے مطابق ملک کے مجموعی ذخائر میں 7 کروڑ 16 لاکھ ڈالر کی کمی ریکارڈ کی گئی ہے، جس کے بعد ذخائر 20 ارب ڈالر کی حد سے نیچے گر کر 19 ارب 95 کروڑ 70 لاکھ ڈالر کی سطح پر آ گئے ہیں۔
اسٹیٹ بینک کے مطابق ملکی زرمبادلہ ذخائر میں کمی کی بڑی وجہ کمرشل بینکوں کے ڈالر ڈیپازٹس میں کمی ہے۔
رپورٹ کے مطابق کمرشل بینکوں کے ذخائر 0.5 کروڑ ڈالر کم ہوکر 5 ارب 43 کروڑ ڈالر رہ گئے ہیں۔
دوسری جانب اسٹیٹ بینک کے اپنے ذخائر میں 2 کروڑ 34 لاکھ ڈالر کا اضافہ ہوا ہے، جس کے بعد مرکزی بینک کے ذخائر 14 ارب 52 کروڑ 60 لاکھ ڈالر ہو گئے ہیں۔
