بٹگرام(شیراز احمد شیرازی )ایک شہری کی خفیہ اطلاع پر ڈپٹی کمشنر بٹگرام کی ہدایت پر ایڈیشنل اسسٹنٹ کمشنر بٹگرام اختر رسول نے کارروائی کرتے ہوئے کوزہ بانڈہ کے مقام پر چھاپہ مارا جہاں سے تازہ ذبح کیا ہوا گدھا اور گدھے کا گوشت برآمد ہوا۔
ملوث دو افراد کو موقع پر گرفتار کر کے پولیس کے حوالے کر دیا گیا جبکہ گوشت کو فوری طور پر تلف کر دیا گیا ۔
ضلعی انتظامیہ کے مطابق ملزمان کے خلا ف مقدمہ درج کر کے تفتیش شروع کر دی گئی ہے تاکہ ملوث نیٹ ورک کو بے نقاب کیا جا سکے۔
ایڈیشنل اسسٹنٹ کمشنر نے اس موقع پر کہا کہ عوام کی صحت سے کھیلنے والے کسی رعایت کے مستحق نہیں، اور ان کے خلاف سخت قانونی کارروائی عمل میں لائی جائے گی۔
ضلعی انتظامیہ کا مزید کہنا ہے کہ ضلع بھر میں محفوظ اور معیاری خوراک کی فراہمی کے لیے کارروائیاں مسلسل جاری رہیں گی۔
عوام سے اپیل کی گئی ہے کہ اگر وہ کسی بھی غیر قانونی سرگرمی خاص طور پر جعلی یا مضر صحت اشیائے خورونوش کی تیاری یا فروخت کی اطلاع رکھتے ہوں تو فوراً انتظامیہ یا پولیس کو مطلع کریں تاکہ بروقت کارروائی ممکن ہو سکے۔
یہ بھی پڑھیں : ابوظبی کی عدالت میں تاریخ کا مہنگا ترین طلاق کاکیس دائر
بٹگرام پولیس نے دوفراد کے خلاف مقدمہ درج کرلیا۔ ملزمان کی شناخت ہنزہ کا رہائشی انور شاہ ولد احوال شاہ اور مانسہرہ کے رہائشی دانیال ولد شوکت کے نام شامل ہیں۔
