ٹویوٹا انڈس موٹرز نے کرولا کراس کے تمام ویریئنٹس کی قیمتوں میں نمایاں کمی کا اعلان کر دیا ہے۔
کمپنی کے مطابق یہ کمی ایک خصوصی پروموشنل ڈسکاؤنٹ کے تحت کی گئی ہے جو یکم اگست 2025سے نافذ العمل ہو گا۔
کمپنی کا کہنا ہے کہ یہ رعایتیں محدود مدت اور گاڑیوں کی محدود تعداد تک دستیاب ہوں گی۔
ٹویوٹا کی جانب سے جاری کردہ نئی قیمتوں کے مطابق کرولا کراس 1.8 HEV Xکی قیمت میں 5 لاکھ 14 ہزار روپے کمی کے بعد نئی قیمت 89 لاکھ 35 ہزار روپے مقرر کی گئی ہے۔
کرولا کراس 1.8 HEVکی قیمت 4 لاکھ 64 ہزار روپے کم کر کے 85 لاکھ 35 ہزار روپے کر دی گئی ہے۔
کرولا کراس 1.8 X ماڈل کی قیمت میں 5 لاکھ 64 ہزار روپے کمی کے بعد نئی قیمت 79 لاکھ 35 ہزار روپے ہو گئی ہے۔
سب سے زیادہ کمی کرولا کراس 1.8 ماڈل میں کی گئی ہےجس کی قیمت 6 لاکھ 14 ہزار روپے کم ہو کر 72 لاکھ 35 ہزار روپےکر دی گئی ہے، جو پہلے 78 لاکھ 49 ہزار روپےتھی۔
یہ بھی پڑھیں : علم پیکٹ پروگرام کا اجرا، خیبرپختونخوا میں تعلیمی اصلاحات کا نیا باب
کمپنی کے مطابق یہ اقدام صارفین کے لیے محدود مدت کے لیے خصوصی رعایت کے طور پر متعارف کرایا گیا ہے۔
