ٹرینیڈاڈ: ویسٹ انڈیز نے تین ون ڈے میچز پر مشتمل سیریز کے دوسرے میچ میں پاکستان کو 5 وکٹوں سے شکست دے کر سیریز 1-1 سے برابر کر دی۔
بارش سے متاثرہ اس میچ میں ڈک ورتھ لوئس میتھڈ کے تحت ویسٹ انڈیز کو 35 اوورز میں 181 رنز کا ہدف دیا گیا تھا، جو میزبان ٹیم نے 34ویں اوور میں حاصل کر لیا۔
پاکستان کی بیٹنگ:
پاکستان نے میچ کے دوران تین تبدیلیاں کیں حسن علی، محمد نواز اور محمد ابرار کو شامل کیا گیا، جب کہ فہیم اشرف، سفیان مقیم اور نسیم شاہ کو باہر بٹھایا گیا۔
میچ کے دوران بارش کی مداخلت تین بار ہوئی، جس کے باعث پاکستان کی اننگز کو 37 اوورز تک محدود کر دیا گیا۔ پاکستان نے 7 وکٹوں کے نقصان پر 171 رنز بنائے۔
اسکورنگ میں نمایاں کھلاڑیوں میں حسن نواز 36 رنز، حسین طلعت 31 اور صائم ایوب 23 رنز کے ساتھ شامل رہے، جب کہ کپتان بابر اعظم بغیر کوئی رن بنائے آؤٹ ہو گئے۔
ویسٹ انڈیز کی بولنگ:
جیڈن سیلز نے سب سے کامیاب بولر کا کردار ادا کرتے ہوئے 3 وکٹیں حاصل کیں۔ روسٹن چیز، موتی، شمار جوزف اور بلیڈز نے ایک ایک وکٹ حاصل کی۔
ویسٹ انڈیز کی بیٹنگ:
ہدف کے تعاقب میں ویسٹ انڈیز نے اعتماد سے کھیلتے ہوئے 5 وکٹوں کے نقصان پر 181 رنز کا ہدف مکمل کیا۔
روسٹن چیز نے 49 رنز کی ناقابل شکست اننگز کھیلی جب کہ جسٹن گریوز نے 26 رنز بنائے،رتھرفورڈ 45، شائے ہوپ 32 اور کارٹے 16 رنز کے ساتھ نمایاں رہے۔
پاکستان کی بولنگ:
پاکستان کی جانب سے حسن علی اور محمد نواز نے 2،2 وکٹیں لیں جب کہ محمد ابرار نے ایک کھلاڑی کو آؤٹ کیا۔
سیریز کی صورتحال:
واضح رہے کہ سیریز کے پہلے میچ میں پاکستان نے ویسٹ انڈیز کو 5 وکٹوں سے شکست دی تھی۔ اب سیریز 1-1 سے برابر ہو چکی ہے، اور فیصلہ کن تیسرا میچ منگل کو کھیلا جائے گا۔
