پاکستان میں موسلادھار بارشوں کی پیشگوئی کے پیش نظر تعلیمی اداروں میں چھٹیوں کا اعلان کیا گیا ہے۔
خیبرپختونخوا کے ضلع ایبٹ آباد اور مانسہرہ کے ضلعی انتظامیہ نے شدید بارشوں اور سیلاب کے خطرے کے پیش نظر سرکاری و نجی اسکول بند کرنے کا اعلان کیا ہے۔
دونوں اضلاع میں سکول بندش کا نوٹیفکیشن جاری کیا گیا ہے تاکہ طلبہ کی جانوں کو محفوظ رکھا جا سکے اور موسم کی شدت کے باعث ممکنہ سیلابی صورتحال سے بچا جا سکے۔
پنجاب کے ضلع مری میں 19 اور 20 اگست کو دو روز کے لیے تمام سکول بند رہیں گےجبکہ این ڈی ایم اے نے کلاؤڈ برسٹ الرٹ کے تحت دفعہ 144 نافذ کر دی ہے۔
ادھرآزاد کشمیر کے ضلع باغ میں بھی محکمہ موسمیات کی جانب سے شدید سیلابی الرٹ کے پیش نظر 19 سے 23 اگست تک تمام تعلیمی ادارے بند کرنے کا اعلان کیا گیا ہے تاکہ طلبہ اور عملے کی حفاظت یقینی بنائی جا سکے۔
محکمہ موسمیات نے مظفرآباد، راولا کوٹ، باغ، حویلی، کوٹلی، میرپور اور بھمبر میں بھی موسلادھار بارشوں اور گرج چمک کے ساتھ طوفانی بارشوں کی پیش گوئی کی ہے۔
پہاڑی علاقوں میں لینڈ سلائیڈنگ اور فلیش فلڈنگ کے خطرات بھی ظاہر کیے گئے ہیں۔
یہ بھی پڑھیں : محکمہ موسمیات نے ربیع الاول کا چاند نظر آنے کی پیشگوئی کردی
عوام کو ہدایت کی گئی ہے کہ وہ سرکاری ذرائع سے معلومات لیتے رہیں اور احتیاطی تدابیر اپنائیں تاکہ کسی بھی ناخوشگوار واقعے سے بچا جا سکے۔
