اسلام آباد: پاکستان ٹیلی کمیونیکیشن اتھارٹی (پی ٹی اے) نے نیشنل سائبر کرائم انویسٹی گیشن ایجنسی (این سی سی آئی اے) کی سفارش پر 46 جوا اور فاریکس ایپس کو بند کرنے کا فیصلہ کیا ہے۔ این سی سی آئی اے نے پی ٹی اے کو ان ایپس کی بندش کے حوالے سے تحریری درخواست کی تھی۔
این سی سی آئی اے کے ترجمان کا کہنا ہے کہ پابندی لگنے والی یہ ایپس عوام سے اربوں روپے غیر قانونی طور پر حاصل کر رہی تھیں۔
ان میں غیر ریگولیٹڈ فاریکس ٹریڈنگ ایپس اور جوا کھیلنے والی ایپلیکیشنز شامل ہیں، جو شہریوں کا ذاتی ڈیٹا اور موبائل نمبرز غیر قانونی طور پر جمع کر رہی تھیں۔
یہ بھی پڑھیں : پی ٹی آئی نے 2 حلقوں میں ضمنی انتخاب کے لیے امیدواروں کا اعلان کر دیا
ترجمان نے بتایا کہ یہ ایپس نوجوانوں کو جوئے اور جلد امیر بننے کے جھوٹے لالچ دے کر گمراہ کر رہی تھیں، جبکہ کئی ایپس شہریوں کی پرسنل معلومات اور سم کی تفصیلات بھی غیر قانونی طور پر حاصل کر رہی تھیں۔
