ماہ ربیع الاول 1447ہجری کا چاند نظر نہ آنے کے بعد یکم ربیع الاول 26اگست بروز منگل کو ہوگی ، اس حساب سے عید میلادالنبی ؐ 6ستمبر بروز ہفتہ کو منائی جائیگی جو کہ اتفاق سے یوم دفاع پاکستان کے دن آرہی ہے ۔
واضح رہے کہ یوم دفاع پاکستان ہر سال 6ستمبر کو 1965کی جنگ کے شہدا اور غازیوں کی قربانیوں کو یاد کرنےکیلئے منایا جاتاہے۔
اس موقع پر ملک بھر میں تقریبات ، سیمینار ز اور دعائیہ اجتماعات منعقد ہوتے ہیں ، جبکہ افواج پاکستان کی جانب سے پرچم کشائی اور یادگار شہدا پر سلامی پیش کی جاتی ہے ۔
اس برس یہ دن ایک خاص روحانی اور مذہبی پہلو بھی اپنے ساتھ سمیٹے ہوئے ہے ، کیونکہ 12ربیع الاول یعنی ولادت باسعادت حضرت محمد مصطفیؐ کی خوشیاں بھی اسی روز منائی جائیں گی ۔
یوں 6ستمبر 2025نہ صرف قومی دفاع کی یاد دہانی کا دن ہوگا بلکہ سرور کائنات ؐ کی ولادت کے بابر کت موقع کی خوشیاں بھی شامل کرے گا۔
رواں برس یوم دفاع پاکستان اس لحاظ سے بھی اہمیت کا حامل ہے کہ پاکستان نے حال ہی میں معرکہ حق میں بھارت کیخلاف تاریخی فتح حاصل کی ہے ۔
