کمبوڈیا (پختون ڈیجیٹل) سابق ایشین چیمپئن عراق نے اے ایف سی انڈر-23 ایشین کپ 2026 کوالیفائرز کے پہلے میچ میں پاکستان کو واضح برتری سے شکست دے دی۔
کمبوڈیا کے اولمپک اسٹیڈیم میں کھیلے گئے گروپ جی کے اس مقابلے میں عالمی رینکنگ میں 58ویں نمبر پر موجود عراقی ٹیم نے پاکستان کو 1 کے مقابلے میں 8 گول سے شکست دی۔
پہلے ہاف میں مقابلہ کچھ متوازن رہا اور عراق نے صرف ایک گول کی برتری حاصل کی، تاہم دوسرے ہاف میں عراقی ٹیم نے جارحانہ کھیل پیش کرتے ہوئے مسلسل 7 گول داغ دیے، جس کے جواب میں پاکستان صرف ایک گول ہی کر سکا۔
پاکستان کے آئندہ میچز:
- 6 ستمبر: میزبان کمبوڈیا کے خلاف
- 9 ستمبر: گروپ اسٹیج کا آخری میچ اومان کے خلاف
پاکستانی ٹیم کے لیے یہ شکست ایک بڑا دھچکا ہے، اور اب اگلے میچز جیتنے کے لیے غیر معمولی کارکردگی دکھانا ہوگی تاکہ گروپ میں آگے بڑھنے کی امید قائم رہے۔
