اسلام آباد: حکومت نے آئندہ 15 روز کے لیے پیٹرولیم مصنوعات کی قیمتوں کا نوٹیفکیشن جاری کر دیا ہے۔
وزارتِ خزانہ کے اعلامیے کے مطابق پیٹرول کی قیمت میں کوئی تبدیلی نہیں کی گئی، جبکہ ڈیزل کی قیمت میں 2 روپے 78 پیسے فی لیٹر اضافہ کیا گیا ہے۔
اعلامیے کے مطابق پیٹرول کی نئی قیمت 264 روپے 61 پیسے فی لیٹر پر برقرار رہے گی، جبکہ ڈیزل کی قیمت بڑھا کر 272 روپے 77 پیسے فی لیٹر مقرر کر دی گئی ہے۔
وزارتِ خزانہ کے مطابق قیمتوں کا تعین عالمی منڈی میں تیل کی قیمتوں اور دیگر مالیاتی عوامل کو مدنظر رکھتے ہوئے کیا گیا ہے۔
نئی قیمتوں کا اطلاق فوری طور پر ہو چکا ہے اور یہ آئندہ 15 روز کے لیے نافذ العمل رہیں گی۔
