پشاور: خیبرپختونخوا کابینہ نے عمران خان کرکٹ اسٹیڈیم پشاور کے انکلوژرز کو 1992 ورلڈ کپ جیتنے والی قومی ٹیم کے کھلاڑیوں کے ناموں سے منسوب کرنے کی باقاعدہ منظوری دے دی ہے۔
محکمہ کھیل کی جانب سے یہ تجویز حکومت کو پیش کی گئی تھی جس میں کہا گیا تھا کہ قومی تاریخ کے اس یادگار لمحے کو زندہ رکھنے کے لیے اسٹیڈیم کے انکلوژرز کو ورلڈ کپ فاتح کھلاڑیوں کے نام دیے جائیں۔
کابینہ نے گزشتہ روز ہونے والے اجلاس میں اس سمری کی منظوری دے دی۔
یاد رہے کہ 1992 کا ورلڈ کپ پاکستان نے عمران خان کی قیادت میں جیتا تھا۔ ٹیم میں شامل نمایاں کھلاڑیوں میں جاوید میانداد، وسیم اکرم، عاقب جاوید، انضمام الحق، سلیم ملک، اعجاز احمد، عامر سہیل، رمیز راجہ، مشتاق احمد، اقبال سکندر، معین خان، زاہد افضل اور وسیم حیدر شامل تھے۔
یہ بھی پڑھیں : اب قطار نہ انتظار، نادرا کی جانب سے شہریوں کے لیے بڑی سہولت کا اعلان
اس سے قبل خیبرپختونخوا حکومت ارباب نیاز کرکٹ اسٹیڈیم کا نام اس کے بانی چیئرمین کے نام سے منسوب کرنے کی منظوری بھی دے چکی ہے۔
