محمد رضوان کی ون ڈے کپتانی خطرے میں آ گئی ہے۔
محمد رضوان کو ون ڈے ٹیم کی کپتانی سے ہٹانے جبکہ ان کی جگہ شاہ آفریدی کو قیادت سونپنے کا امکان ہے۔
قومی سلیکشن کمیٹی نے ٹی ٹوینٹی اسکواڈ کی تشکیل کا عمل تقریباً مکمل کر لیا ہے اور آئندہ ہفتے اس کا باضابطہ اعلان متوقع ہے۔
نجی ٹی وی کے مطابق ذرائع کا کہنا ہے کہ کپتان بابراعظم ٹیم میں واپسی کر سکتے ہیں۔ صائم ایوب اور محمد حارث کو ٹیم میں برقرار رکھنے کا فیصلہ کیا گیا ہےحالانکہ ایشیا کپ میں ان کی کارکردگی خاص نمایاں نہیں رہی۔
مزید برآں، حسن علی اور حارث رؤف کو بھی اسکواڈ کا حصہ بنایا جا سکتا ہے جبکہ فاسٹ بولر نسیم شاہ کی ٹیم میں واپسی کے امکانات بھی روشن ہیں۔
دوسری جانب خوشدل شاہ اور حسین طلعت کو ٹیم سے خارج کرنے کا فیصلہ کیا گیا ہے۔
علاوہ ازیں، نوجوان آل راؤنڈر عرفان نیازی کی ٹیم میں واپسی متوقع ہے تاہم وکٹ کیپر بلے باز محمد رضوان کی جگہ بنانا مشکل نظر آرہا ہے۔
یہ بھی پڑھیں : کرکٹ کی دنیا میں ’’ٹیسٹ 20‘‘ نیا فارمیٹ متعارف
کرکٹ کی دنیا میں ایک نیا اور منفرد فارمیٹ متعارف کروا دیا گیا ہے جس کا نام ’’ٹیسٹ ٹوئنٹی‘‘ ہے۔
یہ فارمیٹ 16 اکتوبر کو ورچوئل تقریب کے ذریعے پیش کیا گیا جو ٹیسٹ کرکٹ اور ٹی20 کے امتزاج پر مبنی ہے۔
اس میں ایک دن میں 80 اوورز کھیلے جائیں گے جو چار اننگز میں تقسیم ہوں گے اور ہر ٹیم دو بار بیٹنگ کرے گی۔
ٹیسٹ ٹوئنٹی کا مقصد نوجوان کھلاڑیوں کی صلاحیتوں کو سامنے لانا ہے خاص طور پر 13 سے 19 سال کی عمر کے کھلاڑیوں کو ہدف بنایا گیا ہے۔
اس نئے فارمیٹ میں دونوں کرکٹ کی اقسام کے قوانین کو اپنایا گیا ہے مگر اس میں چند ترامیم کی گئی ہیں، میچ جیت، ہار، ٹائی یا ڈرا میں ختم ہو سکتا ہے۔
اس منصوبے کے پیچھے کام کرنے والی تنظیم دی فرنٹ فارمیٹ جدید ٹیکنالوجی کو بھی کرکٹ میں شامل کرنے کا ارادہ رکھتی ہے جیسے اے آئی کی مدد سے سکاؤٹنگ سسٹم اور بیٹ و بال میں موشن سینسرز، تاکہ نوجوان کھلاڑی کھیل کو بہتر سمجھ سکیں۔
دی فرنٹ مارمیٹ کے سی ای او گوراو بہروانی کا کہنا ہے اس پروجیکٹ کا مقصد صرف ایک ٹورنامنٹ نہیں بلکہ ایک مکمل کرکٹنگ ایکو سسٹم بنانا ہے جو نوجوان کھلاڑیوں کو دریافت، تربیت اور ترقی دے۔
ان کا کہنا تھا کہ جیسے امریکہ میں این سی اے اے نے باسکٹ بال کو فروغ دیا، ہم عالمی کرکٹ کے لیے ایک ایسا نظام قائم کر رہے ہیں جو ہر نوجوان کو برابر کے مواقع فراہم کرے گا۔
