واشنگٹن:وفاقی وزیر خزانہ سینٹر محمد اورنگزیب نے کہا ہے کہ پاکستان کو دسمبر تک 1.2 ارب ڈالر کی اگلی قسط موصول ہونے کی توقع ہے۔
وزیر خزانہ اس وقت امریکہ کے دورے پر ہیں جہاں انہوں نے 20 وزارتی اجلاس میں حصہ لیا اور لاس اینجلس ڈیمیج فنڈ کو فوری فعال کرنے پر زور دیا۔
اس دوران وزیر خزانہ نے انٹرنیشنل فنانس کارپوریشن کے مینیجنگ ڈائریکٹر مختار ڈیوپ سے ملاقات کی، جس میں انہوں نے امید ظاہر کی کہ ایگزِم بینک جلد ریکوڈک منصوبے میں شامل ہوگا۔
اس کے علاوہ، محمد اورنگزیب کی جے پی مورگن کے سینئر انتظامی وفد سے بھی ملاقات ہوئی، جہاں دوطرفہ شراکت داری کو مضبوط بنانے کی ضرورت پر تبادلہ خیال کیا گیا۔
یہ بھی پڑھیں : انصار اللہ نے یونیسیف نمائندہ سمیت اقوام متحدہ کے اہلکار قید کر لیے
واشنگٹن میں پریس کانفرنس کرتے ہوئے وزیر خزانہ نے کہا کہ آئی ایم ایف کا ایگزیکٹو بورڈ جلد معاہدے کی منظوری دے گا اور پاکستان کو 31 دسمبر تک 1.2 ارب ڈالر کی قسط ملنے کی توقع ہے۔
انہوں نے مزید کہا کہ آئی ایم ایف پاکستان پر قومی مفادات کے خلاف کوئی شرط عائد نہیں کر سکتا، اور پروگرام کے تحت کی گئی اصلاحات نے ملکی معیشت کو مستحکم کیا ہے، جبکہ یہ تمام اصلاحات پاکستان کی اپنی معاشی ترجیحات کے مطابق ہیں۔
