ملک بھر میں سونے کے خریداروں کے لیے خوشخبری! سونے کی قیمت میں ایک بار پھر نمایاں کمی ریکارڈ کی گئی ہے، جس کے بعد فی تولہ سونا 4 لاکھ 37 ہزار 362 روپے کی سطح پر آ گیا۔
تفصیلات کے مطابق آل پاکستان جیمز اینڈ جیولرز ایسوسی ایشن کا کہنا ہے کہ آج سونے کی فی تولہ قیمت میں 7 ہزار 538 روپے کی کمی ہوئی، جس کے بعد نئی قیمت 437,362 روپے مقرر کی گئی ہے۔
عالمی اور مقامی مارکیٹوں میں سونے کی قیمت میں یہ کمی سرمایہ کاروں کے بدلتے رجحانات، ڈالر کے نرخوں میں اتار چڑھاؤ اور بین الاقوامی معیشت میں غیر یقینی صورتحال کی عکاسی کرتی ہے۔
ماہرین کے مطابق آئندہ دنوں میں سونے کی قیمت میں مزید اتار چڑھاؤ متوقع ہے، اس لیے خریداروں کو محتاط رہنے اور مارکیٹ پر نظر رکھنے کا مشورہ دیا گیا ہے۔
