ملک بھر میں سونے کی قیمت میں ایک بار پھر بڑا اضافہ ہوا ہے۔ فی تولہ سونے کی قیمت 2500 روپے کے اضافے کے ساتھ 3 لاکھ 4 ہزار روپے تک پہنچ گئی ہے۔
آل پاکستان جیمز اینڈ جیولرز ایسوسی ایشن کے مطابق کے مطابق، 10 گرام سونے کا بھاؤ 2144 روپے اضافے کے ساتھ 2 لاکھ 60 ہزار 631 روپے تک پہنچ گیا ہے۔
جبکہ چاندی کی فی تولہ قیمت 55روپے کے اضافے سے 3367روپے اور دس گرام چاندی کی قیمت 47روپے کے اضافے سے 2886روپے کی سطح پر پہنچ گئی ہے۔
یہ بھی پڑھیں: آزاد کشمیرمیں سونے کی قیمت میں نمایاں اضافہ ، صرافہ مارکیٹ کی تفصیلی رپورٹ
دوسری جانب، عالمی مارکیٹ میں سونے کی قیمت میں 25 ڈالر کا اضافہ ہوا ہے اور اب سونا 2913 ڈالر فی اونس پر دستیاب ہے۔ اس اضافے نے مقامی مارکیٹ پر بھی اثرات مرتب کیے ہیں، جس کی وجہ سے سونے کے خریداروں اور بیچنے والوں میں تشویش پائی جاتی ہے۔
یاد رہے کہ گزشتہ روز سونے کی فی تولہ قیمت میں 1600 روپے کی کمی ہوئی تھی۔
