اسلام آباد: حکومت نے عوام کو ریلیف فراہم کرتے ہوئے ایل پی جی کی قیمت میں 5 روپے 88 پیسے فی کلو کمی کر دی ہے۔
اوگرا کی جانب سے جاری نوٹیفکیشن کے مطابق نئی قیمت 201 روپے 60 پیسے فی کلو مقرر کی گئی ہے۔
گھریلو سلنڈر کی قیمت میں بھی 69 روپے 44 پیسے کمی کی گئی ہےجس کے بعد 11.8 کلوگرام کے سلنڈر کی نئی قیمت 2 ہزار 378 روپے 89 پیسے ہو گئی۔
گزشتہ ماہ اکتوبر میں ایل پی جی کے گھریلو سلنڈر کی قیمت 2 ہزار 448 روپے تھی۔
یہ بھی پڑھیں : کرپٹو مارکیٹ میں ہلچل، بٹ کوائن کی قیمت میں بڑی گراوٹ
بٹ کوائن کی قیمت میں بڑی گراوٹ سامنے آئی اور ہفتے کے نچلے سطح پر گر کر تقریباً 107,000 ڈالر تک پہنچ گئی۔
کرپٹو مارکیٹس میں 24 گھنٹوں کے دوران 1.1 بلین ڈالر سے زائد کی لیکویڈیشن ہوئی، یہ تیز کمی امریکی فیڈرل ریزرو کی 0.25 فیصد سود کی کمی کے بعد ہوئی، جس کا سرمایہ کاروں کے جذبات پر کوئی مثبت اثر نہیں پڑا۔
اعداد و شمار کے مطابق بٹ کوائن نے اپنے اہم 107,000 ڈالر سپورٹ رینج کا ٹیسٹ کیا جو مارکیٹ میں بیلوں کے لیے ایک اہم سطح ہے جو تاجر بُلش بریک آؤٹ پر شرط لگائے ہوئے تھے انہیں لمبی پوزیشنز کے مکمل نقصان کا سامنا کرنا پڑا۔
مارکیٹ تجزیہ کار رومن نے خبردار کیا کہ بٹ کوائن 30 فیصد تک گہری اصلاح کا شکار ہو سکتا ہے، خاص طور پر اگر امریکی سٹاک مارکیٹ میں کمی آئے۔
تجزیہ کار کے مطابق، جب ایس اینڈ پی500 درستگی کرے گا تو بٹ کوائن بھی نمایاں حد تک گرے گا اور حالیہ ریلی کے باوجود اس کا ایکویٹیز کے ساتھ تعلق کمزور ہے۔
سونے کی قیمتیں 4,000 ڈالر فی اونس سے اوپر جا پہنچی ہیں جو مارکیٹ میں غیر یقینی صورتحال کے دوران سرمایہ کاروں کے سیف ہیون اثاثوں کی طرف رجحان ظاہر کرتی ہیں۔
کوئن گلاس کے ڈیٹا کے مطابق اکتوبر 2025 بٹ کوائن کا 2018 کے بعد پہلا منفی اکتوبر رہا جس نے سات سالہ مثبت رجحان کو توڑ دیا۔
