پاک سوزوکی موٹر کمپنی نے اپنے مقبول منی وین ماڈل ایوری وی ایکس آر (Every VXR) پر 3 لاکھ 50 ہزار روپے کی بڑی رعایت کا اعلان کر دیا ہے۔ کمپنی کے مطابق یہ پیشکش محدود مدت کے لیے دستیاب ہوگی۔
رعایت کے بعد گاڑی کی ایکس فیکٹری قیمت کم ہو کر 29 لاکھ 65 ہزار 200 روپے رہ گئی ہے، جس سے یہ فیملی استعمال اور چھوٹے کاروباروں کے لیے نسبتاً کم قیمت سواری بن گئی ہے۔
کمپنی کا کہنا ہے کہ یہ پیشکش صرف ایوری وی ایکس آر ویرینٹ پر لاگو ہوگی اور اس کی بکنگ ملک بھر کے مجاز ڈیلرز کے ذریعے شروع کر دی گئی ہے۔
گاڑی کی خصوصیات یہ ہے کہ 5-اسپیڈ مینوئل ٹرانسمیشن اور 2WD ڈرائیو سسٹم، سیکیورٹی فیچرز: دو ایئر بیگز، ABS کے ساتھ EBD، اموبلائزر، سیکیورٹی الارم، فرنٹ سیٹ بیلٹ پری ٹینشنرز، چائلڈ لاک، انٹرمیٹنٹ وائپرز اور ہیڈ امپیکٹ پروٹیکشن انٹیریئر۔
یہ بھی پڑھیں : ایزی پیسہ نے 9 ماہ میں کتنا منافع کمایا؟جان کر حیران رہ جائیں گے
اندرونی فیچرز: مینوئل ایئر کنڈیشنگ (اینٹی بیکٹیریل فلٹر کے ساتھ)، پاور اسٹیئرنگ، سینٹرل لاکنگ، ریٹریکٹ ایبل سائیڈ مررز، فولڈنگ سیٹس جو لچکدار کارگو اسپیس فراہم کرتی ہیں۔
کمپنی نے بتایا کہ یہ پیشکش بجٹ کے لحاظ سے محتاط صارفین کو متوجہ کرنے کی حکمت عملی کا حصہ ہے، تاہم رعایت صرف محدود وقت کے لیے دستیاب ہے اور اس پر شرائط و ضوابط لاگو ہوں گے۔
