فیصل آباد: 17 سال بعد فیصل آباد میں انٹرنیشنل کرکٹ کی رونقیں بحال ہوگئیں۔
اقبال اسٹیڈیم میں آج پاکستان اور جنوبی افریقہ کی ٹیمیں پہلے ون ڈے میچ میں آمنے سامنے ہوں گی۔
قومی ٹیم کے کپتان شاہین آفریدی پہلی بار ون ڈے کرکٹ میں ٹیم کی قیادت کریں گے۔
انہوں نے کہا کہ ٹیم کی قیادت کرنا ان کے لیے اعزاز ہے اور بابر اعظم کا فارم میں آنا پاکستان کے لیے انتہائی ضروری تھا۔
سیریز کے لیے خصوصی ٹرافی کی رونمائی بھی کر دی گئی اور میچ سے قبل دونوں ٹیموں نے بھرپور پریکٹس کی۔
یہ بھی پڑھیں : معرکہ حق کے بعد بھارت ابھی تک پاکستان کیخلاف سازشوں میں مصروف ہے، عطا تارڑ
واضح رہے کہ فیصل آباد کے اقبال اسٹیڈیم میں آخری انٹرنیشنل میچ 2008 میں پاکستان اور بنگلہ دیش کے درمیان کھیلا گیا تھا، جس کے بعد 17 سال بعد شہر میں دوبارہ انٹرنیشنل کرکٹ کا انعقاد کیا جا رہا ہے۔
