دوحہ: صدر مملکت آصف علی زرداری نے دوحہ میں عالمی سماجی ترقیاتی کانفرنس سے خطاب کرتے ہوئے کہا کہ سندھ طاس معاہدے کی خلاف ورزی عالمی قوانین کے منافی ہے اور بین الاقوامی اصولوں کی پاسداری لازمی ہے۔
صدر زرداری نے کہا کہ ہم ایسی دنیا چاہتے ہیں جہاں سماجی ہم آہنگی، مساوات، یکجہتی اور انسانی حقوق کا احترام ہو۔
ان کا کہنا تھا کہ پاکستان کا وژن جامع اور پائیدار ترقی پر مبنی ہے۔
انہوں نے بی آئی ایس پی پروگرام کا حوالہ دیتے ہوئے کہا کہ 90 لاکھ سے زائد خاندانوں کو مالی امداد، صحت اور تعلیم کی سہولت فراہم کی جا رہی ہے اور یہ پروگرام دنیا بھر میں سماجی تحفظ کے ماڈل کے طور پر جانا جاتا ہے۔
یہ بھی پڑھیں : امریکہ اور چین کے تجارتی مذاکرات کے لیے اہم ملاقات متوقع
صدر زرداری نے قطر پر اسرائیلی جارحیت کی بھی مذمت کی، جبکہ بلاول بھٹو زرداری اور خاتون اول آصفہ بھٹو بھی کانفرنس میں شریک ہوئے۔
