تحریک انصاف کے رہنما اسد قیصر کی حفاظتی ضمانت کی درخواست پشاور ہائی کورٹ میں عدم پیروی کی بنا پر خارج کر دی گئی۔
پشاور ہائی کورٹ کے دو رکنی بینچ نے جسٹس سید ارشد علی کی سربراہی میں اس کیس کی سماعت کی۔ اسد قیصر اور ان کے وکیل عدالت میں پیش نہیں ہو سکے جس کے بعد عدالت نے درخواست خارج کرتے ہوئے عدم پیشی پر اعتراض اُٹھایا۔
بعد ازاں اسد قیصر کے وکیل عدالت میں پیش ہوئے اور بتایا کہ وہ دوسری عدالت میں مصروف ہونے کی وجہ سے پیش نہیں ہو سکے۔ جسٹس سید ارشد علی نے اس موقع پر ریمارکس دیتے ہوئے کہا کہ ’’بار بار کیس کی سماعت کے دوران کوئی بھی عدالت میں موجود نہیں ہوتا، آپ عدالتوں کو ہلکا لے رہے ہیں۔‘‘
انہوں نے مزید کہا کہ اسد قیصر کے وکیل کو یہ مشورہ دیا کہ وہ اس کیس میں بحالی کی درخواست دیں، تاہم اس نوعیت کے کیسز میں بحالی ممکن نہیں ہو سکتی۔
یاد رہے کہ اسد قیصر کی حفاظتی ضمانت کے لیے درخواست دائر کی گئی تھی، لیکن عدالتی تقاضوں کی تکمیل نہ ہونے پر عدالت نے فیصلہ سنایا۔
