اسلام آباد: وزیراعظم محمد شہباز شریف نے آج سینیٹ میں زیر غور 27ویں آئینی ترمیم کے معاملے پر حکومتی اور اتحادی جماعتوں کے سینیٹرز کو خصوصی طور پر مدعو کر لیا ہے۔
ذرائع کے مطابق وزیراعظم کی جانب سے تمام سینیٹرز کو دعوت نامے ارسال کر دیے گئے ہیں، اور شام ساڑھے چھ بجے حکومتی و اتحادی سنیٹرز کے اعزاز میں خصوصی عشائیہ کا بھی انتظام کیا گیا ہے۔
اس اجلاس میں آئینی ترمیم کی منظوری کے سلسلے میں حکومتی حکمت عملی، سیاسی ہم آہنگی اور سینیٹ میں اتحاد پیدا کرنے کے طریقوں پر تفصیلی بات چیت متوقع ہے۔
حکام کے مطابق یہ اجلاس آئینی ترمیم کے حق میں سینیٹرز کی حمایت کو یقینی بنانے، قانونی اور آئینی پہلوؤں پر غور و خوض کرنے کے لیے نہایت اہم تصور کیا جا رہا ہے۔
وزیراعظم کی دعوت سے اتحادی جماعتوں کے سینیٹرز کی شمولیت اور سیاسی اتفاق رائے قائم کرنے میں آسانی متوقع ہے۔
سینیٹ میں آئینی ترامیم کی منظوری کے لیے حکومتی اور اتحادی سینیٹرز کی یکجہتی کلیدی کردار ادا کرے گی۔
یہ بھی پڑھیں : پشاور ٹراما ہسپتال: صحت کارڈ کی بندش سے مریضوں کی مشکلات بڑھ گئیں
اجلاس کے دوران ترمیم کی قانونی حیثیت، ممکنہ سیاسی اثرات اور آئندہ لائحہ عمل پر بھی غور کیا جائے گا تاکہ سب جماعتوں کی رائے اور تعاون حاصل کیا جا سکے۔
یہ اجلاس اس حوالے سے اہمیت کا حامل ہے کہ آئینی ترامیم کی کامیابی کے لیے حکومتی اور اتحادی جماعتوں کے درمیان مکمل ہم آہنگی اور مشترکہ حکمت عملی کی ضرورت ہے۔
