وزیر بلدیات مینا خان آفریدی نے کہا ہے کہ پختونخوا میں 12 نومبر کو امن جرگہ، تمام اسٹیک ہولڈرز کو مدعو کیا گیا۔
تفصیلات کے مطابق پختونخوا اسمبلی میں 12 نومبر کو پختونخوا امن جرگہ منعقد ہوگا، جس کی سربراہی وزیر بلدیات مینا خان آفریدی کریں گی۔ وزیر بلدیات مینا خان آفریدی نے کہا ہے کہ صوبے میں پائیدار امن کے قیام کے لیے تمام اسٹیک ہولڈرز کو جرگے میں مدعو کیا گیا ہے۔
مینا خان آفریدی کے مطابق، پختونخوا امن جرگہ باہمی مشاورت اور اتفاقِ رائے کا ایک پلیٹ فارم فراہم کرے گا اور امن کے بغیر ترقی اور خوشحالی ممکن نہیں۔ جرگے میں علمائے کرام، سیاسی رہنما، قبائلی مشران اور سول سوسائٹی کے نمائندے شریک ہوں گے، تاکہ عوامی شمولیت کے ساتھ دیرپا امن قائم کیا جا سکے۔
انہوں نے مزید کہا کہ پختونخوا امن جرگہ علاقائی ہم آہنگی اور امن کی نئی بنیاد رکھے گا، اور یہ اختلافات مٹانے اور اعتماد بحال کرنے کی اہم کوشش ثابت ہوگا۔ وزیر بلدیات نے زور دیا کہ عوامی تعاون اور مکالمے کے ذریعے ہی پختونخوا میں مستحکم امن ممکن ہے۔
