اسلام آباد: چیئرمین پی سی بی محسن نقوی نے سری لنکا کے خلاف ون ڈے سیریز جیتنے پر قومی ٹیم کو مبارکباد دی ہے۔
سماجی رابطے کی ویب سائٹ ایکس پر محسن نقوی نے لکھا ویلڈن گرین شرٹس، تھینک یو سری لنکا۔
Well done, Green Shirts! 💚
Thank you, Sri Lanka.Would like to congratulate our national team on winning the ODI series against Sri Lanka. Today was a victory not only for Pakistan’s peaceful and vibrant atmosphere, but also for the strong friendship between Pakistan and Sri…
— Mohsin Naqvi (@MohsinnaqviC42) November 14, 2025
انہوں نے مزید کہا کہ آج نہ صرف پاکستان بلکہ پرامن ملک کے ساتھ مخلص دوست سری لنکا اور کرکٹ کی بھی جیت ہوئی ہے۔
چیئرمین پی سی بی نے کہا کہ بابراعظم، فخر زمان اور رضوان کی شاندار بیٹنگ کی بدولت قومی ٹیم نے سیریز جیتی۔
انہوں نے سری لنکا کی ٹیم کے کھلاڑیوں اور مینجمنٹ کا خصوصی طور پر شکریہ ادا کیا۔
محسن نقوی نے شائقین کرکٹ کی تعریف بھی کی اور کہا کہ سری لنکن ٹیم کو میچ کے دوران بھرپور سپورٹ حاصل رہی۔
یہ بھی پڑھیں : پاکستان نے سری لنکا کو دوسرے ون ڈے میں بھی شکست دے دی
پاکستان نے دوسرے ایک روزہ میچ میں سری لنکا کو یکطرفہ مقابلے کے بعد 8 وکٹوں سے مات دے دی اور تین میچوں کی سیریز میں 0–2 کی فیصلہ کن برتری حاصل کرتے ہوئے سیریز اپنے نام کر لی۔
راولپنڈی سٹیڈیم میں کھیلے گئے میچ میں سری لنکا نے مقررہ 50 اوورز میں 8 وکٹوں کے نقصان پر 288 رنز بنائے۔
جینتھ لیانگے 54 رنز کے ساتھ نمایاں رہے جبکہ کمندو مینڈس نے 44، سدیرا سمارا وکرما نے 42، اور ونندو ہاسارنگا نے 37 رنز ناٹ آؤٹ اسکور کیے۔
کامل مشرا نے 27، پاتھم نسانکا نے 24، کوسل مینڈس نے 20، پرامود دوشان نے 11 رنز ناٹ آؤٹ بنائے، چیرتھ اسالنکا 6 اور دشمنتھا چمیرا بغیر رن کے آؤٹ ہوئے۔
پاکستان کی جانب سے حارث رؤف اور ابرار احمد نے شاندار بولنگ کا مظاہرہ کرتے ہوئے 3،3 وکٹیں حاصل کیں، جبکہ محمد وسیم جونیئر نے ایک کھلاڑی کو آؤٹ کیا۔
289 رنز کے تعاقب میں پاکستان نے 48.2 اوورز میں صرف 2 وکٹوں کے نقصان پر ہدف حاصل کر لیا۔
کپتان بابر اعظم نے 119 گیندوں پر 8 چوکوں کی مدد سے ناقابلِ شکست 102 رنز بنا کر نہ صرف اپنی دو سال بعد کی پہلی ون ڈے سنچری مکمل کی بلکہ ون ڈے کرکٹ میں اپنی 20ویں سنچری اسکور کرتے ہوئے سعید انور کے زیادہ سنچریوں کے ریکارڈ کی برابری بھی کر لی۔
