علی امین گنڈاپور نے جادات میوزیم اینڈ گیلری کا تاریخی و ثقافتی ورثے کا تفصیلی دورہ کیا، جس میں نوجوان نسل کے لیے علم اور آگاہی کے مواقع اجاگر کیے گئے
تفصیلات کے مطابق سابق وزیراعلیٰ خیبر پختونخوا، علی امین گنڈاپور نے حال ہی میں ڈیرہ اسماعیل خان میں واقع جادات میوزیم اینڈ گیلری کا دورہ کیا، جو مقامی ثقافت، تاریخ اور قومی ورثے کو زندہ رکھنے کا ایک منفرد مرکز ہے۔
میوزیم میں موجود نمائشیں نہ صرف مقامی تاریخ اور فنون کی عکاسی کرتی ہیں بلکہ ثقافتی ورثے کو نوجوان نسل تک منتقل کرنے میں بھی اہم کردار ادا کرتی ہیں۔ دورے کے دوران علی امین گنڈاپور نے کہا کہ یہ میوزیم ماضی کو یاد رکھنے اور مستقبل کے لیے روشن باب رقم کرنے کا بہترین ذریعہ ہے۔
انہوں نے میوزیم کے انتظامات، نمائشوں کی اہمیت اور مقامی فنون و ثقافت کے تحفظ کے اقدامات کا تفصیلی جائزہ لیا اور اس بات پر زور دیا کہ ایسے مقامات نہ صرف تاریخی معلومات فراہم کرتے ہیں بلکہ مقامی معاشرتی اور ثقافتی شناخت کو بھی مضبوط کرتے ہیں۔
میوزیم کے عملے نے بتایا کہ یہاں آرٹ ورک، تاریخی دستاویزات اور ثقافتی ورثے کی متعدد اشیاء رکھی گئی ہیں تاکہ ہر آنے والے فرد کو مقامی تاریخ اور ثقافت کے بارے میں جامع معلومات حاصل ہوں۔
علی امین گنڈاپور نے مزید کہا کہ میوزیم کے فروغ اور مقامی ثقافت کے تحفظ کے لیے مزید اقدامات کی ضرورت ہے اور عوام سے اپیل کی کہ وہ تاریخی اور ثقافتی ورثے کو زندہ رکھنے میں اپنا کردار ادا کریں۔
سابق وزیر اعلیٰ خیبر پختونخوا، علی امین گنڈاپور نے ڈیرہ جات میوزیم کا باقاعدہ افتتاح کر دیا، جو برطانوی دور کی تاریخی عمارت کو جدید معیار کے مطابق میوزیم میں تبدیل کرنے کے بعد عوام کے لیے کھولا گیا ہے۔
میوزیم میں نصب خصوصی شوقیزز اپنی نوعیت کی پہلی پیشکش ہیں، جبکہ گیلریاں قدیم اوزار، سکے، مجسمے اور مقامی ثقافتی ورثے سے مزین ہیں۔ یہاں سرائیکی ثقافت، قبائلی تاریخ اور برطانوی دور کے ریکارڈ کی جامع نمائشیں بھی موجود ہیں، جو سیاحوں اور مقامی عوام کی توجہ کا مرکز بنی ہیں۔علی امین گنڈاپور نے کہا کہ یہ میوزیم جنوبی خیبر پختونخوا کی ثقافتی سیاحت کو نئی سمت دینے اور تاریخی ورثے کی بحالی و ثقافتی فروغ کی مہم میں سنگِ میل ثابت ہوگا۔
