پاکستان اور بھارت کے درمیان بلائنڈ کرکٹ ورلڈکپ کے میچ کے بعد ایک خوشگوار منظر دیکھنے میں آیا، جہاں دونوں ملکوں کی خواتین کرکٹرز نے نہایت گرم جوشی سے ایک دوسرے سے ہاتھ ملایا اور واضح پیغام دیا کہ کھیل کی دنیا میں سیاست یا نفرت کی گنجائش نہیں ہونی چاہیے۔
میچ کے اختتام پر دونوں ٹیموں کا ایک دوسرے کے ساتھ اس دوستانہ رویّے نے اسپورٹس کی اصل روح کو اجاگر کیا، جو احترام، برداشت اور مثبت رویّے کی بنیاد پر قائم ہے۔
Women Blind Cricket World Cup Colombo:.India women Blind won against Pakistan
Good to see Blind teams Hand shake. pic.twitter.com/jpjfM0XxFW— Sohail Imran (@sohailimrangeo) November 16, 2025
یہ اقدام ایسے وقت میں سامنے آیا ہے جب بھارت کی مینز کرکٹ کے بعض مقابلوں میں ہینڈ شیک سے گریز کیا گیا تھا۔
تاہم بلائنڈ ویمن کرکٹرز نے عملی طور پر دکھا دیا کہ کھیل دلوں کو جوڑنے کا ذریعہ ہے، دوریاں بڑھانے کا نہیں۔
یہ بھی پڑھیں : خیبرپختونخوا میں ڈینگی کا وار، 24 گھنٹوں میں 6 نئے مریض رپورٹ
عالمی سطح پر بھی ہاکی، فٹبال اور ہینڈ بال کے کھلاڑی پہلے ہی کھیل میں سیاست کو شامل کرنے کے رجحان کی مخالفت کر چکے ہیں۔
اب بلائنڈ ویمن کرکٹ ٹیموں نے بھی اسی اصول کو مزید تقویت دی ہے کہ اسپورٹس کا بنیادی مقصد مقابلہ، اخلاقیات اور باہمی احترام کو فروغ دینا ہے—نہ کہ سیاسی بیانیے یا نفرتوں کو بڑھانا۔
