بینک الفلاح نے اپنے صارفین کے لیے ہونڈا موٹر سائیکل کی خریداری کے لیے ایک نئی فنانسنگ اسکیم کا اعلان کیا ہے، جس میں زیرو فیصد مارک اپ کے ساتھ آسان اقساط کی سہولت دی گئی ہے۔
یہ پیشکش محدود مدت کے لیے دستیاب ہے اور خاص طور پر ان صارفین کے لیے تیار کی گئی ہے جو بیک وقت مکمل رقم ادا کرنے کے بجائے ماہانہ قسطوں میں اپنی پسند کی بائیک حاصل کرنا چاہتے ہیں۔
اس اسکیم کے تحت ہونڈا کی تین مشہور موٹر سائیکلیں شامل ہیں: Honda CD 70، Honda CG 125 اور Honda CG 150۔
بینک کے مطابق CD 70 کی ماہانہ قسط 26,650 روپے، CG 125 کی 39,750 روپے اور CG 150 کی 76,650 روپے رکھی گئی ہے۔
بینک الفلاح کا کہنا ہے کہ ادائیگی صرف بینک کے کریڈٹ کارڈ کے ذریعے ممکن ہوگی اور صارفین اپنی سہولت کے مطابق اقساط کی مدت منتخب کرسکتے ہیں۔
اگرچہ یہ اسکیم زیرو مارک اپ پر دستیاب ہے، صارفین کو پروسیسنگ فیس اور فیڈرل ایکسائز ڈیوٹی (FED) ادا کرنا ہوگی۔
بینک نے مزید وضاحت کی ہے کہ یہ پیشکش منتخب ماڈلز اور اسٹاک کی دستیابی تک محدود ہے، اس لیے صارفین کو جلد درخواست دینے کا مشورہ دیا گیا ہے۔
بائیک کی بکنگ یا مزید معلومات کے لیے صارفین بینک کے ہیلپ لائن نمبر 111225111-021 پر رابطہ کر سکتے ہیں۔
یہ بھی پڑھیں : شاہد آفریدی کا لنڈی کوتل دورہ، نوجوانوں کیلئے کھیل و ترقیاتی سہولیات کا اعلان
ماہرین کا کہنا ہے کہ موجودہ معاشی حالات میں بلاسود اقساط صارفین کے لیے بڑی سہولت ثابت ہوسکتی ہیں اور اس سے ہونڈا موٹر سائیکل کی فروخت میں بھی اضافہ متوقع ہے۔
بینک الفلاح کی یہ اسکیم ان صارفین کے لیے بہترین موقع ہے جو کم بجٹ میں بھی ہونڈا بائیک حاصل کرنا چاہتے ہیں، تاہم درخواست دینے سے قبل تمام شرائط و ضوابط سے مکمل آگاہی ضروری ہے۔
