اسلام آباد: تحریک انصاف کے سیکرٹری جنرل سلمان اکرم راجا نے خبردار کیا ہے کہ خیبر پختونخوا میں گورنر راج کا خطرہ موجود ہے۔
نجی ٹی وی کے پروگرام میں گفتگو کرتے ہوئے سلمان اکرم راجا نے کہا کہ صوبے میں جو فیصلے اس نظام کے تحت کیے گئے ہیں، وہ دھونس اور دباؤ پر مبنی ہیں۔
انہوں نے عمران خان سے ملاقات نہ کروانے کے حوالے سے سوال پر کہا کہ اگر آج بانی تحریک انصاف سے ملاقات نہیں کروائی جاتی تو یہ خلافِ آئین ہوگا۔
سلمان اکرم راجا نے واضح کیا کہ اس فیصلے پر تعجب نہیں ہوگا، مگر افسوس ضرور ہوگا۔
سلمان اکرم راجا نے مزید کہا کہ حکومت ملاقات نہ کروانے کے حوالے سے کسی آئینی یا قانونی شق کا حوالہ نہیں دیتی، جس سے شفافیت اور قانونیت پر سوالیہ نشان لگتا ہے۔
یہ بھی پڑھیں : رواں سال کا آخری سپر مون آج آسمان پر طلوع ہوگا
واضح رہے کہ سینیٹر فیصل واوڈا نے دعویٰ کیا تھا کہ آج وزیراعلیٰ خیبر پختونخوا محمد سہیل آفریدی بانی تحریک انصاف عمران خان سے ملاقات نہیں کروائیں گے، جس نے سیاسی حلقوں میں تنازع اور بحث کو جنم دے دیا ہے۔
سلمان اکرم راجا کا موقف ہے کہ سیاسی فیصلے عوامی مفاد اور آئینی ضابطوں کے مطابق ہونے چاہئیں، اور حکومت کا رویہ جمہوریت اور قانون کی روح کے خلاف سمجھا جا رہا ہے۔
