محکمہ موسمیات نے ملک بھر میں اگلے چند روز کے لیے موسم کی اہم پیش گوئی جاری کر دی ہے۔ پیش گوئی کے مطابق، ملک کے بیشتر علاقوں میں موسم سرد اور خشک رہنے کا امکان ہے، جبکہ پہاڑی علاقوں میں شدید سردی کے ساتھ ہلکی بارش اور برفباری بھی متوقع ہے۔
آج رات کی صورتحال کے حوالے سے محکمہ موسمیات کا کہنا ہے کہ ملک کے زیادہ تر حصوں میں موسم سرد اور خشک ہوگا۔ تاہم گلگت بلتستان، کشمیر اور ملحقہ پہاڑی علاقوں میں جزوی ابر آلودگی کے ساتھ چند مقامات پر ہلکی بارش اور برفباری کا امکان بھی ہے۔
بدھ(آج) کے روز ملک کے مختلف حصوں کا حال کچھ یوں رہے گا:
اسلام آباد اور گردونواح: موسم سرد اور خشک
خیبرپختونخوا: زیادہ تر اضلاع میں موسم سرد اور خشک، پہاڑی علاقوں میں رات اور صبح شدید سردی
پنجاب: بیشتر اضلاع میں موسم سرد اور خشک، مری، گلیات اور گردونواح میں شدید سردی، لاہور، شیخوپورہ، قصور، اوکاڑہ، فیصل آباد، سرگودھا، جھنگ، ساہیوال، گجرانوالہ، نارووال، سیالکوٹ اور گردونواح میں صبح کے وقت ہلکی سے درمیانی دھند
سندھ: زیادہ تر اضلاع میں سرد اور خشک موسم
بلوچستان: شمالی اضلاع میں رات اور صبح شدید سردی، مغربی اضلاع میں بعد از دوپہر جزوی ابر آلودگی
کشمیر اور گلگت بلتستان: شدید سرد اور خشک موسم
محکمہ موسمیات نے شہریوں اور زمینی سطح پر کام کرنے والے افراد کو سردی کے شدید اثرات سے بچنے کی ہدایت کرتے ہوئے کہا ہے کہ پہاڑی علاقوں میں سفر کرنے والوں کو احتیاط برتنے کی ضرورت ہے، جبکہ دھند اور کم درجہ حرارت کی وجہ سے شہر میں بھی نقل و حمل کے دوران محتاط رہنے کی سفارش کی گئی ہے۔
