تحریک انصاف کے رہنما احمد خان نیازی نے دعوی کیا ہے کہ گزشتہ دو ماہ کے دوران مجھ پر خیبر پختونخوا میں چار مرتبہ پولیس اور سول لباس میں ملبوس افراد کی جانب سے چھاپے مارے گئے اور میرا مسلسل پیچھا کیا جاتا رہا۔
ایکس پر جاری بیان میں انہوں نے کہا کہ اس تمام صورتحال سے میں نے بروقت وزیرِاعلیٰ سہیل آفریدی کو آگاہ کرنے کے لیے متعدد بار رابطہ کیا مگر افسوس کہ مجھے کوئی جواب موصول نہیں ہوا۔
احمد خان نیازی نے کہاکہ اب 18 فروری کو موٹروے پر میری تلاش میں میرے ساتھی کارکنان پر قاتلانہ حملہ کیا گیا جو نہایت سنگین واقعہ ہے۔
1/3گزشتہ دو ماہ کے دوران مجھ پر خیبر پختونخوا میں چار مرتبہ پولیس اور سول لباس میں ملبوس افراد کی جانب سے چھاپے مارے گئے اور میرا مسلسل پیچھا کیا جاتا رہا اس تمام صورتحال سے میں نے بروقت وزیرِاعلیٰ سہیل آفریدی کو آگاہ کرنے کے لیے متعدد بار رابطہ کیا
— Ahmed Khan Niazi (@Ahmed_khanNiazi) February 19, 2026
انہوں نے کہاکہ اس صورتحال میں بطور وزیر اعلیٰ آپ پر لازم ہے کہ فوری نوٹس لے کر شفاف تحقیقات اور عملی کارروائی کو یقینی بنائیں۔ اگر اس مرتبہ بھی حسبِ سابق کوئی اقدام نہیں کیا جاتا تو اس کی وضاحت کی جائے تاکہ میں آئینی اور قانونی طور پر اپنے حقوق استعمال کرتے ہوئے ذمہ داران کی نشاندہی اور تعین کر سکوں۔
