امریکی سینٹرل کمانڈ نے مغربی عراق میں ایک طیارہ گرنے کی تصدیق کر دی ہے۔ حکام کے مطابق واقعہ ایک فوجی آپریشن کے دوران پیش آیا جس کے بعد فوری طور پر امدادی کارروائیاں شروع کر دی گئی ہیں۔
سینٹرل کمانڈ کی جانب سے سماجی رابطے کی ویب سائٹ پر جاری بیان میں کہا گیا ہے کہ ایندھن فراہم کرنے والے طیارے کو نقصان پہنچنے کی اطلاع ملی ہے۔
U.S. Central Command is aware of the loss of a U.S. KC-135 refueling aircraft. The incident occurred in friendly airspace during Operation Epic Fury, and rescue efforts are ongoing. Two aircraft were involved in the incident. One of the aircraft went down in western Iraq, and the…
— U.S. Central Command (@CENTCOM) March 12, 2026
بیان کے مطابق دو طیارے آپریشن کے دوران پرواز میں تھے جن میں سے ایک مغربی عراق میں گر گیا جبکہ دوسرا بحفاظت لینڈ کرنے میں کامیاب رہا۔
حکام کے مطابق یہ واقعہ ایک فوجی آپریشن کے دوران پیش آیا جس کے بعد امدادی ٹیمیں فوری طور پر جائے وقوعہ کی جانب روانہ کر دی گئیں اور متاثرہ عملے کی تلاش اور مدد کے لیے کارروائیاں جاری ہیں۔
یہ بھی پڑھیں : پاسپورٹ بنوانے والوں کے لیے اہم اطلاع جاری
امریکی ذرائع ابلاغ کی رپورٹس کے مطابق تباہ ہونے والے طیارے میں چھ افراد سوار تھے تاہم ان کی حالت اور مزید تفصیلات فوری طور پر سامنے نہیں آ سکیں۔
سینٹرل کمانڈ کا کہنا ہے کہ واقعے کی مکمل تحقیقات کی جائیں گی اور اس حوالے سے مزید معلومات بعد میں جاری کی جائیں گی۔
