ضلع کرم میں سیکیورٹی فورسز نے بروقت کارروائی کرتے ہوئے دہشت گردوں کا پولیس چوکی پر حملہ ناکام بنا دیا۔
فائرنگ کے شدید تبادلے کے بعد دو دہشت گرد ہلاک کر دیے گئے، جبکہ تین پولیس اہلکار زخمی ہو گئے۔
تفصیلات کے مطابق دہشت گردوں نے ضلع کرم میں ایک پولیس چوکی کو نشانہ بنایا، جس کے بعد فورسز اور حملہ آوروں کے درمیان شدید جھڑپ شروع ہو گئی۔
دونوں جانب سے بھاری ہتھیاروں کا استعمال کیا گیا، واقعے کے بعد پولیس کی اضافی نفری طلب کر لی گئی اور علاقے کو گھیرے میں لے کر سرچ آپریشن شروع کر دیا گیا۔
زخمی اہلکاروں کو فوری طور پر قریبی ہسپتال منتقل کر دیا گیا ہے جہاں انہیں طبی امداد فراہم کی جا رہی ہے۔
حکام کے مطابق سیکیورٹی فورسز نے مؤثر جوابی کارروائی کرتے ہوئے حملہ ناکام بنایا اور علاقے کو کلیئر کرنے کے لیے آپریشن جاری ہے
