پاکستان تحریک انصاف (پی ٹی آئی) کے رہنما شوکت یوسفزئی نے کہا ہے کہ مولانا فضل الرحمان کے تحفظات کو دور کرنے کی بھرپور کوشش کی جارہی ہے اور اس حوالے سے اپوزیشن کے گرینڈ الائنس میں کافی پیش رفت ہوچکی ہے۔
انہوں نے نجی ٹی وی چینل سے بات کرتے ہوئے کہا کہ خیبرپختونخوا میں دہشت گردی کی بڑھتی ہوئی صورتحال کا سامنا ہے اور وفاقی حکومت کی افغانستان سے متعلق پالیسی پر سوال اٹھایا۔
شوکت یوسفزئی نے کہا کہ وزیر خارجہ کو اس وقت کابل میں ہونا چاہیے تھا، نہ کہ اسلام آباد میں بیٹھ کر بیانات دینے کی بجائے۔
یہ بھی پڑھیں جے یو آئی کی پی ٹی آئی کو گرینڈ اپوزیشن الائنس میں شمولیت کی پیشکش، شرائط سامنے آ گئیں
پی ٹی آئی رہنما نے مولانا فضل الرحمان کے ساتھ اپنے سیاسی اختلافات کا ذکر کرتے ہوئے کہا کہ اب ان کے ساتھ معاملات بہتر ہوچکے ہیں اور پارٹی کے دیگر رہنماؤں کے ساتھ ان کا رابطہ بڑھا ہے۔
انہوں نے مزید کہا کہ پی ٹی آئی جلد اپنا لائحہ عمل پیش کرے گی اور پارٹی نیا انتخاب کروانے کے لیے تیار ہے۔
