پشاور۔ یونیورسٹی آف انجینئرنگ اینڈ ٹیکنالوجی (یو ای ٹی) پشاورمیں خود احتسابی کے بارے میں آگاہی سیمینار کا انعقاد کیا جس کا مقصد افراد کو ذاتی اور پیشہ ورانہ احتساب کو بڑھانے کے لئے عملی حکمت عملی سیکھنے کے لئے بااختیار بنانا تھا۔
وزیراعلیٰ خیبرپختونخوا کے مشیر برائے انسداد بدعنوانی بریگیڈیئر (ر) محمد مصدق عباسی نےمہمان خصوصی کی حیثیت سے گورننس اور ذاتی زندگی میں خود احتسابی کے بارے میں گفتگو کی۔
سیمینار میں قرآن اور اقبالیات کے فکر انگیز حوالہ جات پر روشنی ڈالی گئی جس میں کامیابی کے حصول میں خود احتسابی کی طاقت کی عکاسی کی گئی۔ بریگیڈیئر (ر) محمد مصدق عباسی نے شرکاء پر زور دیا کہ وہ قرآن کی تعلیمات کو سمجھنے، صدقہ خیرات کو اپنا معمول بنانے ، سچ بولنے اور مثبت ذہنیت کو برقرار رکھنے پر توجہ مرکوز کریں، جس کے ساتھ افراد بامعنی اور موثر زندگی تشکیل دے سکتے ہیں۔ سیمینار کا اہتمام یو ای ٹی پشاور میں ڈائریکٹوریٹ آف کلبز نے کیا تھا۔
یو ای ٹی پشاور کے وائس چانسلر پروفیسر ڈاکٹر قیصر علی نے اس عزم کا اظہار کیا کہ اس طرح کے سیمینارز کے ذریعے خود احتسابی کے بارے میں مزید آگاہی پیدا کی جائے گی تاکہ طلباء کو آج کی تیز رفتار دنیا میں پھلنے پھولنے کے لئے درکار علم اور مہارت سے آراستہ کیا جاسکے۔ انہوں نے اس بات پر زور دیا کہ نوجوانوں کو منتقل کرنے سے پہلے بزرگوں کو ثابت قدمی اور خود احتسابی کی مثال دینی چاہئے۔
یہ بھی پڑھیں: خیبر پختونخوا: طالبہ کو ہراساں کرنے پر یونیورسٹی کا سیکیورٹی انچارج معطل
انہوں نے مزید کہا کہ سرکاری اہلکار رول ماڈل کے طور پر کام کرتے ہیں، اور ان کے اقدامات اکثر الفاظ سے زیادہ بولتے ہیں. جب وہ دیانت داری، صبر اور ذمہ داری کا مظاہرہ کرتے ہیں تو نوجوان نسل ان اقدار کو اپنانے کا زیادہ امکان رکھتی ہے۔
