ملک دہشتگردی کی لپیٹ میں ہے ، جعلی وفاقی حکومت خواب غفلت میں پڑی ہوئی ہے ۔دہشت گردی کا ذمہ دار افغانستان کو سمجھتے ہیں، مگر سفارتی سطح پر ان سے بات چیت کے لیے تیار نہیں
بیرسٹر سیف نے حکومت پر تنقید کرتے ہوئے کہاکہ افغانستان سے مذاکرات کیلئے بھیجے گئے ہمارے ٹی او آرزکا بھی تاحال کوئی جواب نہیں آیا ، نہ وفاقی حکومت خود افغانستان سے مذاکرات کررہی ہے اور نہ ہمیں کرنے دے رہی ہے ۔
انہوں نےکہاکہ جعلی وفاقی حکومت نہ سفارتی سطح پر کوئی موثر قدم اُٹھا رہی ہے اور نہ اندرونی سطح پر کوئی حکمت عملی اپنا رہی ہے ، دہشتگردی پر قابو پانے کیلئے افغانستان سے بات چیت ناگزیر ہے ۔
انہوں نے کہا کہ ملک دہشتگردی کی آگ میں جل رہا ہے جعلی وزیراعظم شہباز شریف ہاتھ پر ہاتھ دھرے تماشائی بنے بیٹھے ہیں ۔ جعلی وفاقی حکومت خیبر پختونخوا اور بلوچستان میں دہشتگردی کو سنجیدگی سے نہیں رہے رہی ۔
انہوں نے مزید کہا کہ وفاقی حکومت کو صرف پنجاب کو ہی پاکستان نہیں سمجھنا چاہیے اگر فوری اور موثر اقدامات نہ کیے گئے تو یہ آگ پنجاب اور سندھ تک بھی پھیل سکتی ہے ۔
