خیبر پختونخوا پولیس دہشت گردوں کا بہادری سے مقابلہ کر رہی ہے۔ گزشتہ 3 دنوں میں پولیس نے دہشت گردوں کے متعدد حملے ناکام بنا دئے ہیں ۔
بنوں اور لکی مروت میں عوام نے پولیس کے شانہ بشانہ دہشت گرد حملوں کو پسپا کیا خیبر پختونخوا حکومت بہادر پولیس اور غیور عوام کو خراجِ تحسین پیش کرتی ہے عوام اور پولیس دہشت گردی کے خلاف جنگ میں یکجہت ہیں۔عوام کے تعاون کے بغیر شرپسند عناصر کا خاتمہ ممکن نہیں ۔
انہوں نے گفتگو کرتے ہوئے کہاکہ جعلی وفاقی حکومت دہشتگردی کیخلاف جنگ میں تعاون کے بجائے سیاسی بیان بازی سے گریز کرے ، دہشتگردی صوبائی نہیں بلکہ قومی مسئلہ ہے اور وفاقی حکومت دہشتگردی کیخلاف خاموش تماشائی بنی ہوئی ہے ۔
مشیر اطلاعت نے کہا کہ جعلی وفاقی حکومت نے دہشتگردی کے خلاف جنگ میں مدد کے بجائے صوبے کے فنڈز روک رکھے ہیں ، صوبے کو معاشی طورپر کمزور کرنا درحقیقت دہشتگردی کو فروغ دینے کے مترادف ہے ۔
انہوں نے مزید گفتگو کرتے ہوئے کہاکہ فاٹا انضمام کے بعد کے پی کی آبادی میں اضافہ ہوا ، لیکن این ایف سی ایوارڈ مین اس کے مطابق حصہ نہیں دیا جارہا،اے آئی پی پروگرام کے تحت وفاق کے ذمے 700ارب روپے واجب الادا ہیں لیکن اب تک صرف 132 ارب روپے جاری کیے گئے ہیں نیٹ ہائیڈل کے 2ہزار ارب کے بقایا جات بھی صوبے کو ادا نہیں کیے جارہے ۔
